آمار
وب سایت:
ماشینین اؤزه ل جه گلسه فرنگ دن
ائویوه سالاسن قیزیل دیره ک دن
قیزیل بیله زیک لر داشا بیلک دن
آداملیق اولماسا نه فایداسی وار ؟
کت شالوارین توتا بئش آلتی میلیون
مدرکین باشیندا یازیلسا سوربون ( دانشگاه سوربن فرانسه )
یاتاق یئرین اولسا هوتئل شرایتون
آداملیق اولماسا نه فایداسی وار ؟
ریاست میزین سه اولا آبنوس
یالتاق لار سنین چین هئی اولالار لوس
ویرالار الیوه آیاغیوا بوس
آداملیق اولماسا نه فایداسی وار ؟
اون آلتی مربته اولا ائو- ائشیک
دوزه له اوشاغنا قیزیل دان بئشیک
قوروقچو لار دورا قاپیندا کئشیک
آداملیق اولماسا نه فایداسی وار ؟
ائوینده اولارسا اؤزه ل بیر سونا
آروادین خشله یه میلیون بیر دونا
هئیکل تراش اگر هئیکلین یونا
آداملیق اولماسا نه فایداسی وار ؟
قاشیقین ، چنگالین اولسا گوموشدن
دوداغنا ویراسا اوزلوک گولوش دن
انبارین دولوبسا داشسا بوروشدن
آداملیق اولماسا نه فایداسی وار ؟
گئده سن عؤمره یه اولاسان حاجی
قویاسان باشیوا قیزیلدان تاجی
لبه دارین اولا باشدا قئیقاجی
آداملیق اولماسا نه فایداسی وار ؟
باغ – باغاتین اولا کت ده یوز قته
یئیه سن، ایچه سن ، دولاسان ائه
دولاندیغین یئرلر، پئکن(پکن) ، کلکته
آداملیق اولماسا نه فایداسی وار ؟
هفته ده بیر جوره سوره سن ماشین
یوزلر مینه باخا اؤلسن ، باش داشین.
هشتادی دوخسانی آشسادا یاشین
آداملیق اولماسا نه فایداسی وار ؟
بیر دیوان یازاسان اللی مین صفه
فرانسا قابلارین دوزه سن رفه
جمعین دورالار امضاوا صفه
آداملیق اولماسا نه فایداسی وار ؟
گؤزه ل لر ایچینده اولاسان اؤزه ل
باخیشیندان یاغا یاغیش تک غزل
اولاسان دونیادا بیرینجی گؤزه ل
آداملیق اولماسا نه فایداسی وار ؟
ادامه این شعر را میتوانید در کتاب گلین قئینانا ازتبریزلی ممی نین طنز شعرلری ( محمد رحیمی ) بخوانید.
نظرات شما عزیزان:
پاسخ:گلیشیزدن سئویندیم اگر تورکینی دوز یازاماسام باغیشلایین
